Khutbah Jum'at Bahasa Sunda: SYAFAAT NABI MUHAMMAD

 Jum’at, 23 Desember 2016/ 23 Rabiul Awwal 1438 H

SYAFAAT NABI MUHAMMAD

اَلْحَمْدُ لِلّهِ الَّذِى شَرَّفَنَا بِسَيِّدِ الْاَنَامِ . واَشْهَدُ اَنْ لَّااِلَهَ اِلَّااللهُ وَحْدَهُ لَاشَرِيْكَ لَهُ شَهَادَةً تُنْجِى قَائِلِهَا مِنَ الْكُرُوْبِ الْعِظَامِ. وَاَشْهَدُ اَنَّ سيدنا مُحَمَّدًا عَبْدُهُ وَرَسُوْلُهُ ذُو الشَّفَاعَةِ الْعُظْمٰى يَوْمَ الْاِزْدِحَامِ. اَللَّهُمَّ صَلِّ وَسَلِّمْ عَلَى سَيِّدِنَا مُحَمَّدٍ وَعَلَى اَلِهِ وَاَصْحَابِهِ الَّذِيْنَ سَبَقُوْنَا بِالْاِسْلَامِ.قال الله تعالى فى القران الكريم. لَقَدْ كَانَ لَكُمْ فِى رَسُوْلِ اللهِ اُسْوَةٌ حَسَنَةٌ لِّمَنْ كَانَ يَرْجُوا اللهَ وَالْيَوْمَ الْاٰخِرَ وَذَكَرَ اللهَ كَثِيْرًا.

اَمَّا بَعْدُ, فَيَااَيُّهَا الْحَاضِرُوْنَ اُوْصِيْكُمْ وَاِيَّايَ بِتَقْوَى اللهِ فَاِنَّهُ يُحِبُّ الْمُتَّقِيْنَ.

Sadaya puji kagungan Allah Rabbul 'Alamiin. Urang sadaya manjatkeun puji sinareng syukur ka Manten-Na, nyuhunkeun pitulung, sareng pangampunana-Na .

Oge urang nyuhunkeun perlindungan ka Allah tina sagala rupi kajahatan anu aya dina diri, sareng tina kalemahan amal-amal urang. Shalawat sinareng salam mugia salamina tetep dilimpahkeun ka Jungjunan urang sadayana, Kangjeng Nabi Muhammad SAW Oge ka kulawargina, ka para sahabatna, sareng ka sadaya pengikutna dugikeun ka Akhir zaman, oge mudah-mudahan urang sadayana kaangken umat mantena, Amin ya robbal alamin.

simkuring salaku khotib umajak, khususna kanggo diri simkuring pribadi, sareng umumna ka sadaya kaum muslimin. Supaya taqwa ka Alloh SWT, sabab ngan taqwa anu mawa kana kasalametan di dunya sareung di aherat.

Hadirin sidang jum’ah rohimakumulloh!

Perhatoskeun hadits Rosululloh SAW anu diriwayatkeun ku Bukhori sareung Muslim:

اَنَا سَيِّدُ النَّاسِ يَوْمَ الْقِيَامَةِ وَلَافَخْرَ

“Kaula pamingpin sakabeh manusa jaga di yaumil Qiyamah jeung ucapan kaula ieu lain sombong atawa ngagul-ngagul”

Rosululloh SAW naros ka sohabat-sohabat: “Naha aranjeun terang naon sababna?”

Sohabat-sohabat teu aya nu ngajawab “Rosululloh neraskeun cariosanana.” Engke di poe kiamat Alloh SWT bakal ngumpulkeun manusa dihiji lapangan anu disebut Almahsyar. Manusa pada harita bakal nyaksian lautan manusa anu can pernah aya di alam dunya. Manusa harita bakala ngadenge ributna sora-sora manusa anu can pernah kadenge di alam dunya. Panonpoe diwaktu harita aya dina saluhureun manusa kira-kira sajengkal. Sakabeh manusa harita bingung, resah mikirkeun saha anu bisa nyalametkeun, tina kariweuhan-kariweuhan padang mahsyar. Sagolongan manusa boga pendapat teu aya deui anu bisa nyalametkeun anging Nabi Adam bapaurang sararea. Maka ngabrul ngahadep ka Nabi Adam: “He Nabi Adam anjeun bapa sakabeh manusa.” Alloh tos nyiptakeun anjeun kalawan kakuasaanana. Alloh tos niup roh dina badan anjeun. Alloh tos marentahkeun malaikat-malaikat supaya sarujud ka anjeun. Aloh tos nempatkeun anjeun di sorga. Naha anjeun tiasa nyuhunkeun tulung ka Alloh SWT pikeun kami?

Naha anjeun henteu terang kaayaan abdi sadaya?

Nabi Adam ngawaler:

 

“Saenya-enyana dina poe ieu Alloh SWT nuju bendu anu teu acan pernah bendu model poe ieu, sareung moal bendu deui sa atosna poe ieu. Alloh tos ngalarang kaula ulah ngadeukeutan tangkal tapi kaula tos ngarempak larangan Allo kusabab kitu kaula teu bisa nulungan ka maraneh, coba menta ka Nabi Nuh”.

 

Hadirin kaum muslimin!

Sadaya Tokoh-tokoh Nabi ti kawit Nab Ibrahim, Nbai Musa, Nabi Isa sadayana angkat tangan teu bisa nulungan. Akhirna umat eta ngadatangan Nabi Muhammad SAW.

 

“Ya Muhammad anjeun Rosululloh, Alloh atos ngahampura dosa-dosa anjeun. Naha anjeun henteu terang kayaan kami? Kami tos mundar-mandir ka ditu ka dieu, tapi teu aya anu bisa nulungan ka kami. Maka Kangjeung Nabi teu talangke deui anjeuna angkat ka handapeun Arsy anjeuna sujud ka Alloh SWT. Anjeuna moal waka cengkat lamun can aya jaminan kasalametan kangge umatna.

Ya Muhammad geura cengkat anjeun, pek menta sakahayang anjeun. Alloh SWT bakal ngalaksanakeun permintaan anjeun. Nabi Muhammad cengkat tina sujudna sarta ngucapkeun: “Ya Alloh! Salametkeun umat abdi, salametkeun umat abdi.

Alloh SWT ngadawuh deui.

يَامُحَمَّدُ! اَدْخِلْ مِنْ اُمَّتِكَ مَنْ لَا حِسَابَ عَلَيْهِمْ مِنَ الْبَابِ الْاَيْمَنِ مِنْ اَبْوَابِ الْجَنَّةِ. (الحديث)

Ya Muhammad! Asupkeun umat anjeun anu henteu diperlukeun hisab deui di panto nu belah katuhu. Jeung nu sejena ti panto sejen.

 

Hadirin sidang jum’ah anu mulya

Tah kitu belana Nabi Muhammad ka umatna, kumargi sakitu hayu urang tingkatkeun mahabbah ka ka Kangjeng Nabi Muhammad SAW ku jalan nyonto kana akhlak rosul sareung sering maos sholawat terutami di bulan Mulud ieu.

Mudah-mudahan Alloh swt maparin taufiq sareung hidayah ka urang sadayana. Amiin Ya robbal alamin.

بَارَكَ اللهُ لِيْ وَلَكُمْ فِى الْقُرْاَنِ الْعَظِيْم. وَنَفَعَنِيْ وَاِيَّاكُمْ بِاْلاَيَاتِ وَالذِّكْرِ الْحَكِيْمِ. وَتَقَبَّلَ مِنِّيْ وَمِنْكُمْ تِلاَوَتَهُ اِنَّهُ هُوَ السَّمِيْعُ الْعَلِيْمُ